07 September 2008

Яг над шиг бүсгүйд - 2

Яльгүй гэнэн харцтай хонгор бүсгүй
Яагаад надтай адилхан харагдана
Чиний уруул, тас хархан нүд
Чилтэл хэн нэгнийг хүлээдэг чинь надтай адил юм
Сайхан хар гэзэг, том цагаан шүд
Санаа алдах чинь, инээх чинь хүртэл би өөрийгөө харах шиг
Үзэсгэлэн гоо, залуу нас, бардам зангаараа гоёсон
Үе тэнгийн чамайг бурхан надтай
Үйлийн үргүй адилхан зурж дээ
Үзтэл бидний ялгаа юу вэ?
Миний нүдээр чи хорвоог харж чадах уу?
Мөнгө, өнгө, амьдралыг ялгаж таних уу?
Миний зүрхээр чи бусдыг хайрлаж бас уучилж чадах уу?
Маргаашийг, өнөөдөр бас өчигдөртэй нь ялгаж харах уу?
Үзэсгэлэн гоогийн цаана өр өвдөх сэтгэл байна уу?
Өрөөлийн төлөө өөрийгөө мартчих минийхтэй адил "тэнэглэл" байна уу?
Хамаг орчлонг гэрэлтүүлэх хэрэг гарваас
Хайран залуу насаа өргөчихөөд холоо одчих
Хатан зориг чамд байна уу?
Чиний ялдам харцаар хорвоог би харж чадаагүй ээ
Чи бид хоёр дэндүү өөр юм билээ
Үзэсгэлэн гоогийн ард нуусан зүрх
Үнэндээ бидний ялгаа юм билээ
Зүрх өвдөлт, зөөлхөн мэгшилт
Цөхрөл, цөхрөлийн дундах инээмсэглэл
Болжморыг хайрлах сэтгэл бас энэрэл
Өөрт минь байгаа нигүүсэл байхгүй чамтай
Үнэндээ би огтхон ч адилгүй ээ...

6 comments:

Tsoomii said...

hun buhnii setgel zurh yumiig olj harah nud uur shuu, av adilhan usnii dusal met ehruudiinh hurtel

Болорхон said...

Торго өмссөн гахай ч байдаг юм хойно юм бүрийг өнгөн талаас нь хараад дүгнэдэг болчихсон өнөөгийн цаг үед буруу өгөх ч бас хаашаа юм. Гэхдээ л бас хоёр тэс өөрийг ав адилхан болгочихоод байгаад бухимдаад л явна шүү найз нь...
Юу ч мэдэхгүй атлаа мэддэг царайлж мэдэмхийрч явах, "эсвэл эрдэмтэй хүн даруу, их мөрөн дөлгөөн" гэдгээр даруухан явах хоёрын аль нь зөвийг ялгаж танихаа больлоо. Энэ цаг үед дээрх хоёр замын алинаар нь явах ёстой юм бэ гэсэн дэмий атлаа "бодууштай" conference хиймээр л байна шүү.

Anonymous said...

Өнгө мөнгөөр хардаг үзэл шингэсэн үдийн наран аль хэдийн хугасдаа оржээ. Одоо харин өр зүрх рүү нь шагайж, үнэн мөн чанарыг нь таньдаг эрин үеийн үүр цайж эхэлж байна. Үүнд л би итгэж байна даа. Хэт их хөрөнгө мөнгө, тав тухыг шүтэж байсан барууны бас зүүний хөгжилтэй оронуудад хөрөнгөтөн үзлээс сүсэгтэн үзэл рүү шилжих үйл явц шинэ зуун гараад хурдацтай болж байна. Энэ үйл явц нь ч жам ёсны, хүн ёсны үйл явц болохоор бид түүнд нэгэн түрлэг болон чадахаараа ухаалаг байх нь чухал буй за.

Anonymous said...

hyn byhen saihan setgel burhanlig chanartai bdag harin tyyniigee doviilgeh hynd haruulah ongiroh zereg ni bol ochyyhen hynii shinjtei yalanguya hen negentei ooriigoo haritsuulj bodoj yavna gedeg ni zovlon yysgej shaltgaan ym baruun garaaraa hiiseng chin zyyn gar chin byy medeg

Болорхон said...

Хүн бүхэн сайхан сэтгэл, бурханлаг чанартай гэж та зөв хэлжээ, гэхдээ түүнийгээ огт гээчихээд, тэр сайхан сэтгэлийн үнэр ч үнэртэхгүй яваад байгааг юу гэж хэлэх вэ? Энд зүгээр л би хэн нэгэнтэй өөрийгөө харьцуулж үс гэзэг, нүд шүдээрээ адилханыг эсвэл "би сайхан сэтгэлтэй, чи муухай сэтгэлтэй" гэж хэлэх бус /харин та ингэж ойлгосон юм шиг байна/ тэр сайхан сэтгэл, бурханлаг чанар гээч чинь бид бүгдэд ав адилхан байтал яагаад хүмүүс түүнийг хаячихаад, "амьд атлаа үхчихсэн" амьдарч байгаад л харууссандаа бичсэн юм. Тэгээд л "хүмүүс минь зүрх сэтгэлээ жаахан ч болсон зөөллөхсөн, амьдын амьд амьдрахсан"," гэсэн өрөвдөм горь итгэлийн дуу л юм даа. Магадгүй хүн төрөлхтөнийг аврах эцсийн ганц зам энэ байж болох юм.

Anonymous said...

"хүмүүс минь зүрх сэтгэлээ жаахан ч болсон зөөллөхсөн"

заримдаа ч хэтэрхий зөөлхөн юм шиг санагдахын.
ямар сайндаа л шүлэг мүлэг уншиж зөөлөн дээрээ зөөлөн болохоо болих юмсан гэж бодож байхав :р эрчүүд хатуу баймаар, гаднаа.. бас дотроо. гэхдээ уг чанар нь ухаалаг
бөгөөд зөөлөн...